ကျွန်တော် နိုင်ငံရပ်ခြားမှာ ရောက်နေပေမယ့် လိုလေသေးမရှိ ကူညီပေးကြတဲ့ ဆရာတွေ၊ မိတ်ဆွေတွေကြောင့် ကျွန်တော် အမိမြေဆီ ပြန်မရောက်မီ နှစ်လလောက်အကြိုမှာ ရမ်းဗြဲကျွန်းနဲ့ပတ်သက်တဲ့စာအုပ် ထွက်လာနိုင်ခဲ့တယ်။ မှတ်မှတ်ရရ (၂၀၁၆) နိုဝင်ဘာလ၊ ပထမသီတင်းပတ်မှာပါ။ စာအုပ်ထွက်တော့ စာအုပ်ရဲ့ မျက်နှာဖုံးနဲ့အတူ ဆက်သွယ်ဝယ်ယူနိုင်တဲ့ ပုဂ္ဂိုလ်တွေ၊ စာအုပ်ဆိုင်တွေကို ဖဘမှာတင်ပြီး စာအုပ်ဝယ်ယူနိုင်ပြီဖြစ်ကြောင်း အသိပေးကြေညာတယ်။
ဒီအခါမှာ တစ်ဦးသောပုဂ္ဂိုလ်က ဆိုလာပါတယ်။ ရန်ကုန်မြို့ပေါ် မသွားဖြစ်သေးလို့ သွားဖြစ်တော့မှ ဝယ်မယ့်အကြောင်း၊ စစ်ကိုင်းမှာ ရောက်နေလို့ ရန်ကုန်သို့ မသွားဖြစ်သေးတဲ့အကြောင်း ဆိုလာပါတယ်။ တိုက်တိုက်ဆိုင်ဆိုင် ကျွန်တော်ကလည်း စစ်ကိုင်းပညာရေးတက္ကသိုလ်မှာ တာဝန်ကျနေဆဲဖြစ်လေတော့ နိုင်ငံခြားက ပြန်ရောက်ရင် စစ်ကိုင်းပညာရေးတက္ကသိုလ်ကို လာမယ်၊ ရောက်တဲ့အခါ အကြောင်းကြားလိုက်မယ်၊ အဲဒီအချိန်မှာ ကျွန်တော့်ဆီကတစ်ဆင့် စာအုပ်ကို ဆက်သွယ်ဝယ်ယူနိုင်တယ်ဆိုတဲ့အကြောင်း သူ့ကို အကြောင်းပြန်ဖြစ်ပါတယ်။ အဲဒီလို အကြောင်းမပြန်မီ သူ့ရဲ့ အကြောင်းကို နည်းနည်း သိချင်တော့ သူ့ပရိုဖိုင်ပုံနဲ့ Timeline ကို သွားကြည့်မိပါတယ်။ သူ့ပရိုဖိုင်ပုံက ဂျပန်နိုင်ငံရဲ့ ခေါင်းဆောင်ပုံလို့ ထင်မိပါရဲ့။ သူ့ Timeline ပေါ် သွားကြည့်တော့ အမျိုးသားတစ်ဦးလို့ ထင်ရတယ်။ ဒီတော့လည်း ကျွန်တော့်စိတ်ထဲမှာ အမျိုးသားတစ်ဦးပဲ ဖြစ်မှာပါလို့ တွေးထားမိပါတော့တယ်။
အခုအခါမှာ စစ်ကိုင်းပညာရေးတက္ကသိုလ်ဆီ ပြန်ရောက်တာ တစ်လတင်းတင်း ပြည့်ခဲ့ပြီ။ ယူလာတဲ့ စာအုပ်နှစ်ဆယ်ကျော်ကျော်လေးလည်း လက်ဆောင်ပေးတန်သလောက်ပေး၊ ဝယ်လိုသူထံ ရောင်းတန်သလောက်ရောင်းနဲ့ဆိုတော့ လက်ထဲမှာ နှစ်အုပ်ပဲ ကျန်ပါတော့တယ်။ ဒီတော့မှ စာအုပ်ကြော်ငြာစတင်ချိန်က ယူလာပေးမယ်လို့ ကတိပေးခဲ့တဲ့ ပုဂ္ဂိုလ်ထံ အကြောင်းပြန်လိုက်ရတယ်။ စစ်ကိုင်းပညာရေးတက္ကသိုလ်ကို ပြန်ရောက်နေပြီဖြစ်ကြောင်း၊ စာအုပ် လာယူဖို့ ကျွန်တော့်ဖုန်းနံပါတ်ကို ဆက်သွယ်နိုင်ကြောင်း အကြောင်းကြားလိုက်ပါတယ်။
ကျွန်တော် အကြောင်းပြန်ပြီး နောက်နှစ်ရက်အကြာမှာ ကျွန်တော့်ဖုန်း အသံမြည်လာတယ်။ ဖဘပေါ်က စာအုပ်မှာထားတဲ့ ပုဂ္ဂိုလ်ဖြစ်ကြောင်း၊ အခု တက္ကသိုလ်ဝင်ပေါက်ဆီ ရောက်နေပြီဖြစ်ကြောင်း၊ ဘယ်နေရာကို လာပြီး စာအုပ်ယူရမလဲဆိုပြီး မေးတယ်။ ကျွန်တော်ကလည်း လမ်းညွှန်လိုက်တယ်။ ဖုန်းဆက်လာသူက အမျိုးသားတစ်ဦးဖြစ်တာကြောင့် နဂိုက တွေးထင်ထားတဲ့အတိုင်း ဒီပုဂ္ဂိုလ်ဟာ အမျိုးသားပဲဆိုတဲ့ အတွေးက ပိုမိုခိုင်မာသွားသယောင် ခံစားမိလိုက်တယ်။
ကျွန်တော်ရှိတဲ့ နေရာဆီ ကားတစ်စီး ဦးတည် လာနေတာတွေ့တယ်။ ကားရှေ့မှန်အပြင်ဘက် အထက်နားမှာ ဘုန်းကြီးကျောင်းတစ်ကျောင်းရဲ့ အမည်ကို ရေးထားတာ တွေ့လိုက်ရတော့ "ဘယ်လိုပါလိမ့်" လို့ တွေးမိလိုက်တယ်။ ဒီပုဂ္ဂိုလ်ဟာ ဘုန်းကြီးတစ်ပါးပါးများ ဖြစ်နေမလားဆိုပြီး အတွေးပေါ်မိပြန်တယ်။
ကျွန်တော် ဒီလို တွေးနေဆဲမှာပဲ ရှေ့ခပ်လှမ်းလှမ်းမှာ ကားရပ်လိုက်တယ်။ ကျွန်တော့်ဆီလာတဲ့ ဧည့်သည်တွေဖြစ်မယ်ဆိုတာ လုံးဝ သေချာပြီဆိုတဲ့အတွေးနဲ့ ကားဆီ ဦးတည်တိုးကပ်သွားလိုက်တယ်။ ကားဆီ ကျွန်တော် မရောက်မီမှာပဲ နောက်ကားတံခါး ပွင့်လာတယ်။ ပွင့်သွားတဲ့ ကားတံခါးကနေ မယ်သီလရှင်တစ်ပါး ထွက်လာပြီး ကျွန်တော့်ဆီ ဦးတည်လျှောက်လာတယ်။
"ဆရာရေ ... စာအုပ်ဝယ်ဖို့လာတာပါ။ ငါးအုပ်ယူပါမယ်။"
မယ်သီလရှင်က ကျွန်တော့်ကို ပြောလိုက်တယ်။
"တင်ပါ ဆရာလေး။ စာအုပ်က အဆောင်မှာဆိုတော့ အဆောင်ဆီ အရင်သွားကြပါမယ်ဘုရား။ လောလောဆယ် လက်ထဲမှာတော့ စာအုပ်နှစ်အုပ်ပဲ ကျန်ပါတော့တယ်။ ဆရာလေး နောက်ထပ်လိုချင်ရင်တော့ မန္တလေးမြို့ပေါ်က ထွန်းဦးနဲ့ နဂါးမှာ မနေ့ကမှ ပူပူနွေးနွေး တင်ထားပါတယ်။ အဲဒီမှာပဲ ဝယ်နိုင်ပါတော့မယ်။"
"ဆရာ သွားယူပေးရင်တော့ ပိုအဆင်ပြေမယ် ထင်ပါတယ်။"
ကားပေါ်က ထွက်လာခါစ စောစောက ဖုန်းဆက်တဲ့ အစ်ကိုက လှမ်းပြောတယ်။
"ဟုတ်တယ် အစ်ကိုရေ။ အဲလိုတော့ လုပ်ပေးချင်ပါတယ်။ ဒါပေမယ့် ဆိုင်ကယ်စီ မကျွမ်းကျင်သေးတာနဲ့ သိပ်မကြာခင်က ဆိုင်ကယ်မှောက်ထားတဲ့ ဒဏ်ရာဒဏ်ချက်တွေနဲ့ဆိုတော့ ကျွန်တော် မန္တလေးမြို့ပေါ်ထိ သွားဖို့ အခက်အခဲ ရှိပါတယ်။ အဲဒါကြောင့်ပါ။" လို့ ကျွန်တော် ရှင်းပြဖြစ်တယ်။
"ရပါတယ်။ ထွန်းဦးစာပေကို သွားနေကျပါ။ ကျန်တဲ့စာအုပ်အရေအတွက်ကို နောက်မှ သွားဝယ်လိုက်ကြမယ်လေ။" လို့ သီလရှင်ဆရာလေးက ဆိုတယ်။
အမှန်ပြောရရင် ဒီအချိန်ထိ စာအုပ်တကယ် ဝယ်မယ့်သူက ဘယ်သူလဲဆိုတာ ကျွန်တော် တိတိပပ မဆုံးဖြတ်နိုင်သေးပါ။ ဒီလောက်ထိ ဒုံးဝေးလှတဲ့ ကျွန်တော်ပါလေ။ ဘယ်လိုပဲဖြစ်ဖြစ် သူတို့ကားနဲ့ပဲ ကျွန်တော်နေတဲ့အဆောင်ဆီ သွားကြတယ်။
အဆောင်ရောက်ပြီး ကားပေါ်က အဆင်းမှာ သီလရှင်ဆရာလေးက အသီးအနှံတစ်ချို့ကို ကျွန်တော့်အတွက်ဆိုပြီး ပေးတယ်။ တပည့်တကာတွေ လှူဒါန်းထားတာတွေထဲက ပိုနေလို့ ပြန်စွန့်တာလို့ ဆိုပါတယ်။ ကျွန်တော်တို့သုံးဦးလုံး ကားပေါ်က ဆင်းပြီး ကျွန်တော်နေတဲ့ အခန်းဆီ သွားကြတယ်။ အခန်းထဲရောက်တော့ ကျွန်တော့်စာအုပ်နှစ်အုပ်ကို ယူပြီး ဆရာလေးဆီ လှမ်းပေးလိုက်တယ်။ လမ်းပေါ်မှာ ပြောလာခဲ့တဲ့ စကားတွေအရ သီလရှင်ဆရာလေးက အမှန်တကယ် စာအုပ်ဝယ်မယ့်သူဆိုတာ သိခဲ့ပြီမို့လို့ပါ။ စာအုပ်ပေးပြီးနောက် ကျွန်တော်ဆိုလိုက်တယ်။
"ရပါတယ် ဆရာလေးရယ်။ စာအုပ်ဖိုးမပေးပါနဲ့တော့။ တပည့်တော် လှူလိုက်ပါ့မယ်။"
"မလှူပါနဲ့ တကာလေး။ ဆရာလေးက ဒီစာအုပ်တွေ ဝယ်တာ တစ်အုပ်ကို ကိုယ်တိုင်ဖတ်ဖို့၊ တခြားစာအုပ်တွေကို တစ်ဆင့် ပြန်လှူချင်လို့ပါ။ ဆရာလေးကလည်း တကာလေးလိုပဲ ရမ်းဗြဲကျွန်းဇာတိပဲ။ နောက်ပိုင်း သံတွဲဖက်မှာ အနေများလာခဲ့တာကြောင့် ဒွါရာဝတီသီလရှင်ကျောင်းဆိုတဲ့အမည်ရှိတဲ့ သီလရှင်ကျောင်းမှာ အခု သီတင်းသုံးနေတယ်။ ဆရာလေးနဲ့ ရင်းနှီးသိကျွမ်းတဲ့ ရခိုင်အမျိုးသား ရဟန်း၊ သီလရှင်တွေကို တစ်ဆင့်ပြန်ပြီး လှူဒါန်းချင်လို့ ဝယ်တာပါ။ ဒါကြောင့် တကာလေးဆီက စာအုပ်တွေကို ဝယ်ပါမယ်။ မလှူပါနဲ့။" ဆိုပြီး သီလရှင်ဆရာလေးက အကျယ်တဝင့် ရှင်းပြပါတယ်။
"တင်ပါ။ ဒီလိုဆိုရင်တော့ တပည့်တော် မလှူတော့ပါဘူး။ တပည့်တော်အနေနဲ့လည်း ဒီစာအုပ်ကရတဲ့ အကျိုးအမြတ်တွေအားလုံးကို ဇာတိနယ်က ဆောက်လုပ်ဆဲ စာကြည့်တိုက်အတွက် ရန်ပုံငွေအဖြစ် လှူဒါန်းထားတာပါ။ ဆရာလေးလည်း ထပ်ဆင့် အလှူမြောက်သွားတာပေါ့။" လို့ ဆိုဖြစ်ပါတယ်။
သီလရှင်ဆရာလေးက သူသီတင်းသုံးရာ သီလရှင်ကျောင်းမှာ သူ့မယ်တော်ကြီးလည်း ရှိတာကြောင့် ရခိုင်အစားအစာတွေ စားချင်ရင်ပဲဖြစ်ဖြစ်၊ လမ်းကြုံရင်ပဲဖြစ်ဖြစ် လာနိုင်ကြောင်း ဖိတ်ကြားပါတယ်။ (အလွမ်းတကာ့အလွမ်းဆုံး ရခိုင်အစားအစာတစ်ခုတော့ ရှိလေရဲ့။ ရခိုင်မုန့်တီပါပဲ။ ဒီအကြောင်းကိုတော့ ဆရာလေးကို ထုတ်မပြောဖြစ်ခဲ့။)
သီလရှင်ဆရာလေး မထွက်သွားမီ စကားတစ်ခုတော့ ဆိုခဲ့တယ်။ သူ့မျက်နှာတော့ မကောင်းလှ။
"ဆရာလေးကို အမျိုးသားမှတ်ပြီး တကာလေး အကြောင်းပြန်ထားတာကို တွေ့လို့ တခြားသီလရှင်တစ်ယောက်ကိုတောင် ပြောလိုက်မိတယ်။" တဲ့။
"တင်ပါ။ တပည့်တော်လည်း ဆရာလေးဆီ အကြောင်းမပြန်ခင် ပရိုဖိုင်ပုံရော၊ တင်ထားတဲ့ ပုံတွေရော သွားကြည့်လိုက်မိပါတယ်။ ဂျပန်ဝန်ကြီးချုပ် ရှင်ဇိုအာဘေးပုံလိုမျိုး တင်ထားတယ်။ တခြားပုံတွေမှာလည်း အမျိုးသားတစ်ဦးလို့ ထင်စရာဖြစ်နေတာမို့ အမျိုးသားလို့ မှတ်ထားပြီး အကြောင်းပြန်လိုက်မိတာပါ။ စိတ်မရှိပါနဲ့။" လို့သာ အားနာနာနဲ့ စကားဆိုဖြစ်ပါတော့တယ်။
ကိုယ်အကြောင်းပြန်ဖြစ်လိုက်ပုံလည်း ကြည့်ပါဦး။
"ကို .... ရေ၊ ကျွန်တော် စစ်ကိုင်းကို ရောက်နေပါပြီ။ ကျွန်တော့်ဖုန်းနံပါတ် ....... ကို ဆက်သွယ်ပြီး စာအုပ် လာရောက်ယူနိုင်ပါပြီ။ ကျေးဇူးပါ။"
အင်း ... မှားတဲ့အခါလည်း မှားပေမပေါ့။
.
ZT(RMM)
8.2.2017
No comments:
Post a Comment