(၁)
ခမ်းခမ်းနားနား ပြင်ဆင်ထားသော ဖျော်ဖြေရေးစင်မြင့်တစ်ခု။
ထိုဖျော်ဖြေရေးစင်မြင့်ဧ။် အလယ်ဗဟိုတွင်မူ မီးရောင်ပြိုးပြိုးပြက်ပြက် လင်းလက်နေသည့် ဗုဒ္ဓရုပ်ပွားတော်မြတ်တစ်ဆူ ရှိလေဧ။်။ ဖျော်ဖြေရေးစင်မြင့်ဧ။် ရှေ့ဘက်တွင် ပရိသတ် များလှပါဘိ။
ဗုဒ္ဓရုပ်ပွားတော်ဟူသည် စေတီ၊ ပုထိုး၊ ဘုန်းတော်ကြီးကျောင်း စသည့် သာသနိကအဆောက်အဦတို့တွင် သပ္ဗာယ်စွာ စံပါယ်တော်မူတတ်စမြဲ။ ဖျော်ဖြေရေးစင်မြင်ဟူသည် ဗုဒ္ဓရုပ်ပွားတော်နှင့် လားလားမှ မအပ်စပ်ပါလေ။ သို့သော် ...
များမကြာမီ ဂီတသံစဉ်တစ်ခု မြူးကြွစွာ ထွက်ပေါ်လာသည်။ ဖျော်ဖြေရေးစင်မြင့်ထက်မှ မီးရောင်လည်း တစ်မူထူး၍ လင်းလက်သွားသယောင် ရှိဧ။်။ အဖွင့်ဂီတသံ၊ မီးရောင်အလှည့်အပြောင်းတို့နှင့်အတူ ဖျော်ဖြေရေးစင်မြင့်ထက်မှ ဗုဒ္ဓရုပ်ပွားတော်မှာ ဆုံလည်ကုလားထိုင်လှည့်သကဲ့သို့ ဘယ်ဘက်သို့ တဖြည်းဖြည်းချင်း လှည့်လာသည်။
ဗုဒ္ဓရုပ်ပွားတော်ဧ။် နောက်ဘက်ဆီ ဗွီဒီယိုကင်မရာက ရိုက်ပြနိုင်ပြီ။ မြင်လိုက်ရသည့် မြင်ကွင်းကား မလုံ့တလုံ အဝတ်အစားနှင့် စတိုင်အပြည့်ထုတ်ထားသည့် အဆိုတော်အမျိုးသမီးတစ်ဦးက ဗုဒ္ဓရုပ်ပွားတော်ဧ။် နောက်ဘက်၌ ပြုလုပ်ထားသည့် တံခါးဝတွင် မတ်တပ်ရပ်နေသည့် အနေအထားပင်။ ထိုမြင်ကွင်းကို မြင်လိုက်ရသည်နှင့် ပရိသတ်များ နှစ်ထောင်းအားရကြဟန် လက်ခုပ်သံများ၊ လက်ခေါက်ချိုးမှုတ် သြဘာပေးသံများ ညံစီသွားတော့သည်။
ခဏအကြာ ထိုအဆိုတော်အမျိုးသမီးက သူ ရပ်နေသော တံခါးမှ ရှေ့သို့လှမ်းထွက်၍ သီဆိုဖျော်ဖြေတော့သည်။ နောက်ဘက်တွင်မူ ဗုဒ္ဓရုပ်ပွားတော်ကြီးကို အတိုင်းသား မြင်နေရဆဲ။