ငယ်သွေးပေမယ့်မရဲရဘူးလား၊ငယ်ရိပ်လွှမ်းပေမယ့် မစွမ်းရတော့ဘူးလား

ကျွန်တော်တို့ပတ်ဝန်းကျင်မှာ ပြောတတ်ကြတယ်။ “ဟယ်… ငယ်ငယ်လေးနဲ့ တော်လိုက်တာ။“ “ဟ…ဒီကောင်လေးမဆိုးဘူးဟ။ ငယ်ငယ်လေးနဲ့ စွမ်းတယ်။“ “သြော်… အသက်က ငယ်ငယ်လေးပဲ ရှိသေးတယ်။တော်လိုက်တာ။“ “အတွေးအခေါ်တွေ ကောင်းသားပဲ။ ဒီလိုရေးနိုင်၊ ပြောနိုင်တာအသက်တော်တော်ကြီးပြီ ထင်နေတာ။“ … စသည်၊ စသည်ဖြင့်။

ဒါနဲ့ပတ်သက်ပြီးသွားသတိရမိတာတစ်ခု ရှိတယ်။ လွန်ခဲ့တဲ့ (၄) နှစ်ကျော်လောက်ကကြည့်မြင်တိုင်မြို့နယ်အတွင်းက ဘုရားတစ်ဆူရဲ့ဝင်းခြံအတွင်း တရားပွဲတစ်ပွဲလုပ်တယ်။ကျွန်တော်လည်း အမေ့ကို အဖော်လုပ်ပြီး တရားပွဲရှိတဲ့ ညနေတိုင်းတရားသွားနာခဲ့တယ်။သီတဂူဆရာတော်ဘုရားကြီး၊ ဆရာတော် ဓမ္မဒူတအရှင်ဆေကိန္ဒ၊ ဖြူးဆရာတော်အရှင်နရပတိ ….. စတဲ့ထိတ်ထိတ်ကြဲ ဆရာတော်ကြီးတွေ တရားဟောကြတယ်။အဲဒီထဲမှာ ဆရာတော်အရှင်ဆန္ဒာဓိက (ရွှေပါရမီတောရ)လည်း ပါဝင်ပါတယ်။ ဆရာတော့် တရားပွဲညမှာဆရာတော်မိန့်ကြားတဲ့ စကား ကျွန်တော်မမေ့နိုင်သေးဘူး။ “ဦးဇင်းကို ဒကာ၊ဒကာမအချို့က အသက်ငယ်လို့ မရင့်ကျက်သေးဘူး။တရားသိပ်မသိသေးဘူး။ နုသေးတယ်… စသည်ဖြင့် ပြောကြ၊ ဝေဖန်ကြတာရှိတယ်။ ဒါပေမယ့်မြတ်စွာဘုရားရဲ့ တရားတော်အတိုင်း အပတ်တကုပ် ကြိုးပမ်းအားထုတ်ရင်အသက်ကြီးတယ်၊ငယ်တယ်နဲ့ မဆိုင်ပါဘူး။ ထွန်းထွန်းပေါက်ပေါက် ဖြစ်နိုင်ပါတယ်။“ တဲ့။မှန်ပါတယ်။ ဆရာတော်ဟာ သာသနာတော်အတွက် ဘယ်လောက်ထိတောင် ပေးဆပ်လိုတာလဲဆိုရင်တက္ကသိုလ်ဝင်တန်းမှာ ဘာသာစုံဂုဏ်ထူး (တစ်နိုင်ငံလုံး ဒုတိယဆု) နဲ့ အောင်မြင်အောင် ကြိုးစားပြီး၊မိဘကျေးဇူးကို ဆပ်ခဲ့ပေမယ့်၊ စာမေးပွဲ အောင်အောင်ချင်း သာသနာ့ဘောင်ကိုကူးမြောက်ခဲ့တယ်။ သာသနာတော်အတွက် လောကီစည်းစိမ်ဥစ္စာတွေကို ပြတ်သားစွာကျောခိုင်းရက်ခဲ့သူ။ ဒီအချက်တစ်ခုတည်းနဲ့တင် အဲဒီအချိန်ကတည်းက ဆရာတော့်မှာ ဗုဒ္ဓဘာသာဝမ်းစာဘယ်လောက်ထိ ပြည့်စုံနေပြီလဲဆိုတာ ခန့်မှန်းကြည့်နိုင်ပါတယ်။နောက်ပိုင်းတိုးပွားလာတဲ့ ဘာသာရေးအသိပညာတွေကိုလည်း ဆရာတော် ရေးသားထုတ်ဝေပြီးခဲ့သမျှစာအုပ်တွေမှာ အထင်အရှား တွေ့ရပါလိမ့်မယ်။

နောက်ထပ်ငယ်ရွယ်သေးပေမယ့် ထူးချွန်ထင်ရှားသူတွေ အများကြီးရှိနေပါသေးတယ်။ ဥပမာ - ဆရာတော်အရှင်ဇဝန (မေတ္တာရှင် - ရွှေပြည်သာ) ဆိုရင်လည်း လောကီ၊ လောကုတ္တရာ နှစ်ဖြာဗဟုသုတစုံလင်ပြီး၊ ဖတ်ရှုသူတွေအတွက် အလွန်အကျိုးများစေတဲ့ စာအုပ်ပေါင်းများစွာကိုရေးသားပြီးခဲ့သူ ပုဂ္ဂိုလ်ကျော်တစ်ယောက် ဖြစ်ပါတယ်။ လွန်ခဲ့တဲ့ (၃) နှစ်ကျော်လောက်ကစာရေးသူရဲ့ ဆရာကြီး (အသက် ဂ၉ နှစ်အရွယ်) က ဆရာတော် ရေးသားတဲ့ “မေတ္တာဖြင့်စီးပွားရှာခြင်း“ ဆိုတဲ့ စာအုပ်ကို စာရေးသူကို ပြပြီး “အရမ်းကောင်းတဲ့ စာအုပ်တစ်အုပ်ပါပဲကွာ။ဒီဆရာတော့် စာအုပ်ကို များများဖတ်ပေး။ ဆရာဆိုရင် သူ့စာအုပ်တွေ ထွက်သမျှဝယ်ဖတ်ဖြစ်တယ်။“ တဲ့။ ဒီလိုပြောသူ ဆရာကြီးကလည်း ဆရာ့ဆရာကြီး၊ပညာရှိကြီးတစ်ယောက်ပါ။ ပညာရှိတစ်ယောက်က အခြားပညာရှိတစ်ယောက်ကိုတန်ဖိုးထားတတ်ပါပေရဲ့… ဆိုပြီး ဆရာတော့်အတွက်ရော၊ ကျွန်တော့်ဆရာကြီးရဲ့ မွန်မြတ်တဲ့စိတ်ထားအတွက်ပါ ကျွန်တော် ဝမ်းမြောက်ဂုဏ်ယူမိခဲ့ပါတယ်။ အင်္ဂလိပ်တွေမှာဆိုရိုးစကားတစ်ခုရှိပါတယ်။ A learned man can be appreciated only by anotherlearned man. (ပညာရှိတစ်ယောက်ကို အခြားပညာရှိတစ်ယောက်ကသာ တန်ဖိုးထားတတ်သည်။) တဲ့။အသက်ငယ်တဲ့ ပညာရှိဆရာတော်ဟာ အသက်ကြီးပြီး သင်္ချိုင်းကို မျက်စပစ်နေပြီဖြစ်တဲ့ပညာရှိဆရာကြီးရဲ့ အသည်းကိုတောင် ညှို့ယူဖမ်းစားနိုင်လောက်အောင်ကို ထူးချွန်ပြောင်မြောက်ပါပေရဲ့။

နောက်ထပ်ဆရာတော်ဦးဝီရသူဆိုရင်လည်း အသက်အရွယ်အားဖြင့် မကြီးသေးခင် မြန်မာနိုင်ငံရဲ့အနာဂတ်အတွက် အရေးကြီးတဲ့ အမျိုးသားရေးတရားတွေ ဟောကြားခဲ့တယ်။ သူမတူအောင်ထူးချွန်ပြောင်မြောက်စွာ နိုင်ငံ့အနာဂတ်အတွက် အလုပ်လုပ်နိုင်ခဲ့တယ်။ အလုပ်လုပ်နေဆဲ။

သမိုင်းကြောင်းကိုပြန်ပြောင်းကြည့်လိုက်ရင်လည်းဗိုလ်ချုပ်အောင်ဆန်းဆိုတာ ငယ်စဉ်ကတည်းကထက်မြက်ခဲ့တယ်။ ထူးချွန်ခဲ့တယ်။ နိုင်ငံ့လွတ်လပ်ရေးအတွက် အသက်ကို စတေးပြီးစွမ်းစွမ်းတမံ အလုပ်လုပ်ပေးခဲ့တယ်။ အသက်ငယ်သေးပေမယ့် ရဲစိတ်နဲ့ တိုက်ပွဲဝင်ခဲ့တယ်။ဗြိတိသျှနန်းရင်းဝန် မစ္စတာအက်တလီနဲ့လည်း သမိုင်းဝင်စာချုပ်ကိုချုပ်ဆိုနိုင်ခဲ့တယ်။ မြန်မာပြည်အနာဂတ်အတွက် စဉ်းစားထိုက်၊ မှတ်သားထိုက်တဲ့ရဲရဲတောက်မိန့်ခွန်းတွေကို ပြောခဲ့တယ်။ အသတ်ခံရတဲ့ အချိန်မှာတောင် အသက်က (၃၃) နှစ်မပြည့်သေးပါဘူး။သန်တုန်း၊ မြန်တုန်း လူငယ်တစ်ယောက် ဖြစ်ပါတယ်။

ဆရာတော်ဦးဥတ္တမဆိုရင်လည်းငယ်စဉ်ကတည်းက ပထမဆုကိုသာ အမြဲတမ်း လိုချင်ခဲ့သူ။ ပညာထူးချွန်ခဲ့သူ။ ဘာသာစကား (၉)မျိုးကို ကျွမ်းကျွမ်းကျင်ကျင်တတ်မြောက်ခဲ့သူ။ အင်္ဂလိပ်တွေကို ဖားနေကြရတဲ့၊မော်မကြည့်ဝံ့တဲ့ လူတွေအကြား မြန်မာပြည်ရဲ့အဲဒီအချိန်က အကြီးအကဲ ဘုရင်ခံဆာရယ်ဂျီနယ် ကရက်ဒေါက်ကို “Cradock, Get out of Burma!“ (ကရက်ဒေါက် မြန်မာနိုင်ငံကထွက်သွား) ဆိုပြီး ဆောင်းပါးရေးခဲ့လို့ တစ်ကမ္ဘာလုံးမှာ အံ့သြသံတွေကျွက်ကျွက်ညံစေခဲ့သူ။ ကမ္ဘာ့နိုင်ငံများစွာသို့ ခရီးသွားလာပြီးနိုင်ငံရေးအခြေအနေတွေကို လေ့လာခဲ့သူ။ ပြီးတော့ မြန်မာနိုင်ငံနဲ့ အာရှတိုက်တစ်ခုလုံးကိုလွတ်လပ်ရေးမျက်စိ ပထမဆုံးဖွင့်ပေးခဲ့သူ။ “အာရှနေဝန်း“ ဆိုပြီး တင်စားခံရသူ။ သူဆိုတဲ့ ဆရာတော်ဦးဥတ္တမဟာလည်း အဲဒိအချိန်တွေက လူငယ်ဘဝကနေ စခဲ့တာပါ။

အထက်မှာတင်ပြခဲ့တာတွေက မြန်မာပြည်က လူတော်လူမော်တွေ ဖြစ်ပါတယ်။ ကမ္ဘာပေါ်မှာလည်းဒီလိုလူငယ်တွေ အများကြီးပါပဲ။ အခု ကမ္ဘာ့လူထုအကြား ရေပန်းစားနေတဲ့ Facebookလူထုကွန်ယက်ကြီးရဲ့ ဖန်တီးရှင် ဇူကာဘတ်ဟာလည်း အခုအခါ အသက် (၂၉) နှစ်သာရှိသေးတဲ့လူငယ်တစ်ယောက်ပဲ မဟုတ်လား။ နာမည်ကြီး ကနေဒီယန်း ပေါ့အဆိုကျော်ဖြစ်တဲ့ဂျပ်စတင်ဘီဘာဆိုတာလည်း လူငယ်ပေမယ့် တစ်ကမ္ဘာလုံးရဲ့ အချစ်တော်လေး မဟုတ်လား။

ဒီတော့လူတစ်ယောက်ရဲ့ တော်မှု၊ မတော်မှု၊ ထူးချွန်မှု၊ မထူးချွန်မှု…စတာတွေဟာ သူ့ရဲ့အသက်အရွယ် ငယ်ရွယ်မှုနဲ့ ဆိုင်ပါသလား။ ဒီမေးခွန်းအတွက် အဖြေပေါ်မူတည်ပြီးလူတစ်ယောက်ရဲ့ ဘဝဟာ အမျိုးမျိုး ဖြစ်နိုင်ပါတယ်။ တစ်ချို့တွေက “ဟာ…ကျွန်တော်ကအခုမှ အသက် (၂၀) ပဲ ရှိပါသေးတယ်။ ဘယ်လိုလုပ် သူတို့လိုတတ်မှာတုန်းဗျ။ ““သမီးကအခုမှ (၂၅) နှစ်ပဲ ရှိသေးတယ်။ Ph.D မဖြေသေးပါဘူး။“ စသည်ဖြင့် ပြောတတ်ကြတယ်။ အချိန်အခါတစ်ခုထိတကယ်ကော စောင့်ဖို့ လိုအပ်လို့လား။ အသက်ငယ်သေးလို့ မလုပ်ရဘူးလား။ မလုပ်သင့်ဘူးလား။အဲလိုဆိုရင်တော့ လုံးလုံးကြီးပဲ လွဲနေပြီလို့ ပြောချင်ပါတယ်။

အခြားနိုင်ငံတွေနဲ့နှိုင်းယှဉ်ကြည့်မယ်ဆိုရင် နိုင်ငံအများစုမှာ အသက် (၁၈) နှစ်ပြည့်ပြီးတဲ့လူတစ်ယောက်ဟာ လူငယ်ပေမယ့် မိဘဆီမှာ ကပ်မြှောင်မနေကြရတော့ဘူး။ မိဘလုပ်စာထိုင်မဖြန်းရတော့ဘူး။ ကိုယ့်ဝင်ငွေ ကိုယ်ရှာပြီး၊ ကိုယ့်ခြေထောက်ပေါ်မှာကိုယ်ရပ်တည်ကြရတယ်လို့ ကြားဖူး၊ ဖတ်ဖူးပါတယ်။ ဒီလိုဆိုရင် လုပ်အား အလဟဿ မဆုံးရှုံးတော့ဘူး။လုပ်အားများတော့ တိုင်းပြည်ထွက်ကုန် ပိုများတယ်။ တိုင်းပြည်ထွက်ကုန်များတော့နိုင်ငံခြားကို တင်ပို့နိုင်တဲ့ ကုန်ပစ္စည်းတွေ တိုးလာမယ်။ ရလဒ်အနေနဲ့ နိုင်ငံချမ်းသာလာမယ်။ ဒီလိုပါပဲ။ သူတို့စနစ်လည်း ကောင်းကျိုးတွေရှိပါတယ်။ ဒါပေမယ့်ကျွန်တာ့်အနေနဲ့ အမေကျော် ဒွေးတော်လွမ်းတာ မဟုတ်ပါဘူး။ သူတို့ လူ့အဖွဲ့အစည်းမှာ ရုပ်ဝတ္ထုပစ္စည်းကိုဦးစားပေးသလောက် ကျွန်တော်တို့ မြန်မာ့လူ့အဖွဲ့အစည်းမှာစိတ်ပိုင်းဆိုင်ရာငြိမ်းအေးမှုကို ဦးစားပေးတာ ရှိတယ်။ ချဉ်းကပ်ပုံချင်းတော့ မတူပါဘူး။ဒါပေမယ့် မြန်မာပြည်က လူငယ်တွေ နေရာတကာမှာ အချိန်ဖြုန်းတာတွေ များနေတာ တွေ့ရတယ်။မိဘကို ပြုစုလုပ်ကျွေးရမယ့်အစား မိဘကသာပြန်ပြီး ရှိစုမဲ့စုရှာဖွေကျွေးမွေးနေကြရတဲ့ သားသမီးမိုက်တွေ အတော်များများကို မြင်တွေ့နေကြရတာကလည်း ဝမ်းနည်းစရာပါပဲ။

ဒီတော့ပြောချင်ပါတယ်။ “ယနေ့လူငယ် နောင်ဝယ်လူကြီး“ဆိုသလို အခုလူငယ်တွေဟာ နောင်အနာဂတ်မှာလူကြီးတွေ ဖြစ်လာကြမှာပါ။ အခု လူငယ်တွေ ကောင်းမှ၊ တော်မှ၊ ထူးချွန်မှနိုင်ငံ့အနာဂတ် သာယာလှပမှာပါ။ ဒါကြောင့် လူငယ်တွေအနေနဲ့ထူးချွန်ပြောင်မြောက်တဲ့သူတွေဖြစ်အောင် အမြဲတစေ ကြိုးစားအားထုတ်နေဖို့ လိုပါတယ်။ယနေ့မျိုးဆက်ဟာ ယခင်မျိုးဆက်ထက်တော်မှ၊ ထူးချွန်မှ၊ ပိုကောင်းမှ အနာဂတ်ဟာပိုလှမှာပါ။ နိုင်ငံအနေနဲ့လည်း ပိုတိုးတက်မှာပါ။ ပိုဖွံ့ဖြိုးမှာပါ။ ဒါကြောင့်တော်တဲ့၊ ထူးချွန်တဲ့ လူငယ်တွေကိုလည်း သဝန်တိုစိတ်၊ နှိမ့်ချလိုစိတ်တို့ မထားရှိဘဲငယ်ပေမယ့် အရည်အချင်းရှိအောင် ကိုယ်တိုင်ကလည်း ကြိုးစားကြဖို့၊အဲလိုအရည်အချင်းရှိတဲ့သူတွေကိုလည်း ဆက်လက် ကြိုးစားဖြစ်အောင်အားပေးတိုက်တွန်းပေးဖို့ဆိုတာ လူငယ်တိုင်းရဲ့ ရှိသင့်တဲ့ စိတ်ထားတစ်ရပ် ဖြစ်ပါတယ်။လူငယ်အရွယ်တည်းက တော်မှ၊ ထူးချွန်မှ လူကြီးအရွယ်မှာ ပိုစွမ်းမှာပါ။

ငယ်သွေးပေမယ့် မရဲရတော့ဘူးလား၊ငယ်ရိပ်လွှမ်းပေမယ့် မစွမ်းရတော့ဘူးလားဗျာ။ ဖြေကြပါဦး။

By: ဇွဲသစ်(ရမ္မာမြေ)

     ၁၊၉၊၂၀၁၃ (တနင်္ဂနွေနေ့)